З ангельскай. Пераклад Галіны Дубянецкай.

Калі рыхтуе іншы свет
        Каханню гэтаму — працяг
І адлюструецца сксвет
        У гэтых дарагіх вачах, —
Вядзі мяне, нязнаны шлях!
        Збавеннем будзь, смяротны час,
Калі растане марны страх
        У вечнасці, што злучыць нас.

Так мусіць быць. Чаму ж дрыжым,
        Адводзячы пагляд убок
Ад бездані, калі адзін —
        Апошні — застаецца крок?
Калі наперадзе — не змрок,
        А незгасальнае святло,
Што перанёсшы праз Парог,
        Для сэрца сэрца зберагло?..